Ada had a simple wish—ang magkaroon ng matinong lalaki sa bayan nila na puwede niyang pangarapin para magkaroon naman ng pagbabago ang monotonous niyang buhay. Ang akala niya, wala nang pag-asang mangyari ang hiling na iyon. Pero totoo nga sigurong may himala dahil tinupad ng langit ang hiling niya at may napadpad na guwapong nilalang sa probinsiya nila—si Dean.
Pero mukhang may pinagdaraanan ang lalaki at balak pa yatang ibaling ang lahat ng sama ng loob sa mga tao sa paligid nito. Pero ginawa pa rin ni Ada ang lahat mapalapit lang kay Dean. Naging misyon niya ang makitang palagi itong nakangiti. Mukhang nagtagumpay naman siya. Pero kasabay niyon ang pagkakagusto niya kay Dean.
Isang araw, binigyan siya ni Dean ng itim na libro na ang tanging laman ay isang kantang may title na “Maybe It’s You.” Sign ba iyon na nagkakagusto na rin ito sa kanya? O katulad ng lyrics ng kanta, may pagdududa si Dean kung siya nga ba ang babae para dito?