First love. Unang pagkikita pa lang nina Chanel at Charlie ay pareho nang nahulog ang loob nila sa isa’t isa. First kiss. First boyfriend. Umaasa si Chanel na si Charlie na ang una at huling lalaki sa buhay niya.
First heartbreak. Naniwala si Chanel na malalim ang pag-ibig sa kanya ni Charlie kaya hindi niya matanggap na nagawa siya nitong saktan. Isang araw, nagising siya na wala na si Charlie sa tabi niya. Umalis ito ng bansa nang hindi man lang nagpapaalam.
Second chance. Pagkalipas ng apat na taon ay muling nagpakita si Charlie. Bumalik daw ito para itama ang pagkakamaling nagawa sa kanya. Hindi maitanggi ni Chanel ang katotohanang mahal pa rin niya si Charlie kaya muli niya itong tinanggap.
Second heartbreak. Napatunayan ni Chanel na love is lovelier the second time around. Akala niya, sa pagkakataong iyon ay pang-forever na ang pagmamahalan nila ni Charlie. Pero hindi niya inakalang magagawa na naman siyang saktan at iwan nito sa ikalawang pagkakataon.
Last chance. Pagkatapos masaktan nang dalawang beses, makakaya pa ba ni Chanel na bigyan ng ikatlong pagkakataon si Charlie? O good-bye to forever ang kahahantungan ng kanilang love story?