“Nakaka-addict talaga `yang ngiti mo. Puwede bang iuwi ko na lang `yan?”

Bata pa lang si MC, pangarap na niyang maging katulad ng kanyang ina na isang mahusay na violinist. Kaya ginawa niya ang lahat para matupad ang pangarap na iyon kahit pa mapalayo ang loob niya sa kanyang ama at eventually ay itakwil siya nito.
Nakilala niya si Vancent sa panahong nalulungkot siya. Si Vancent ang gumabay sa kanya upang muling mapangiti. Nalaman niya na isa palang pintor ang binata at dahil isa rin siyang artist, nais niyang maiguhit siya nito.
Habang lumalalim ang samahan nina MC at Vancent, dumating naman ang matalik na kaibigan ni MC na si Amadeus. Nawindang pa siya nang biglang magtapat si Amadeus sa kanya sa harap ng maraming tao at nandoon pa si Vancent!
Nalito at naguluhan si MC. Hanggang sa ma-realize niya kung sino ang tunay na itinitibok ng kanyang puso. Pero tila huli na ang lahat dahil hindi na nagparamdam sa kanya si Vancent.