“Ikaw lang naman ang hinihintay ko para mahalin ako kasi matagal ka nang nasa puso ko.” Matagal nang ultimate crush ni Shania ang grand winner ng reality VJ search na si Finnegan Rios. Kaya nang kumatok sa kanya ang oportunidad na maging make-up artist nito ay halos mapatalon siya sa tuwa. Gagawin niya ang lahat para maging mutual ang feelings nila sa isa’t isa. Pero may nagmamaasim—ang super BFF ni Shania na si York. Kung gaano kaluwang ang ngiti ni Shania tuwing babanggitin si Finnegan ay ganoon naman ang ikinasimangot ni York. At sa tuwina ay palaging ibinibida nito ang sarili na animo ay nakikipagpaligsahan kay Finnegan. Hanggang sa nalaman ni Shania ang sagot. Ibang papel pala ang nais gampanan ni York sa puso niya…