“My life won’t be worth anything without you.”

Isinumpa ang pamilya ni Bobby. Lahat ng babaeng ipinanganak sa kanilang pamilya ay mamamatay sa bisperas ng kanilang twentieth birthday. At siya ang next in line para mamatay. Hindi niya iyon mapapayagan kaya naghanap siya ng solusyon.
In her search for a solution, Bobby stumbled upon a shop called the Magic Atelier. Isang wizard ang nakilala niya sa shop. Sinabi nito ang paraan kung paano mapuputol ang sumpa—and that was to go back to the past. Kailangan daw niyang kumuha ng dugo ng nag-cast ng sumpa sa kanilang pamilya para maputol ang sumpa.
Armed by the Rewinder—ang tool na gagamitin ni Bobby para makapunta sa nakaraan at makabalik sa kasalukuyan—ay nakarating nga siya sa nakaraan. Nakilala niya roon si Rafael.
Fortunately, natukoy ni Bobby ang nag-cast ng sumpa sa kanilang pamilya—si Padre Sylvano, na isa rin palang wizard.
Ipinaliwanag niya kay Rafael ang kanyang misyon. Tinulungan naman siya ng lalaki para kalabanin ang pari dahil mahalaga raw siya para dito. Pinatunayan iyon ni Rafael dahil sinalo nitong lahat ang malulupit na incantation na ibinato ni Padre Sylvano para sana kay Bobby. Pinigilan din ni Rafael ang maitim na balak ng pari nang papasok na si Bobby sa portal para makabalik sa kasalukuyan.
Nagtagumpay si Bobby sa kanyang misyon, pero wasak naman ang kanyang puso dahil naiwan sa nakaraan ang binatang mahal niya…