“Kayang tabunan ng pagmamahal ang lahat ng pangit sa isang tao—ugali man o hitsura.”

May pitong wish na ginawa ang teener na si Lucy mula nang mahalin si Ardy aka #BoyManhid. Pero sobrang manhid nito sa ganda niya para magkatotoo kahit isa man lang sa kanyang wishes. Enter Zilj aka #BoyPapansin. Willing si Zilj na tuparin ang lahat ng wishes niya mahalin lang niya ito.
Pero si Ardy talaga ang mahal ni Lucy. Kaya gumawa siya ng mga paraan para matupad ang lahat ng kanyang mga hiling. Hanggang dumating sa punto na malabo na siyang magkapag-asa kay Ardy. Sa mga panahong iyon, si Zilj ang nasa tabi niya. Muntik nang maging sila ni Zilj kung hindi lang bumalik si Ardy. Nalito si Lucy nang manligaw ito sa kanya. Matutupad na sa wakas ang ultimate dream niya.
Pero bakit hindi pa rin siya masaya?