Huwag mong sukatin kung hanggang saan ang pagmamahal ko sa`yo dahil hindi sinusukat ang pag-ibig.
Kailanman, hindi makalilimutan ni Francesca ang chickboy at pilyong si Fortunato Palattao. Una, dahil attracted kaagad siya sa lalaki una pa lang niyang makita ito. Ikalawa, kung gaano kabilis niyang hinangaan si Fortunato, ganoon din iyon kabilis na nawala nang makitang walang kahihiyan itong nakikipaghalikan sa gilid ng fuselag ng isang eroplano. At ang ikatlo, hindi man lang inintindi ni Fortunato ang pagtataray ni Francesca, sa halip ay amused pa siyang pinanood na parang nakakaloko.
Ngunit pagkaraan ng tatlong taon, ang kaguwapuhan na lang ang nanatili sa lalaki. Para na itong ibang tao ngayon. Masungit, arogante at galit sa mundo.
Biro ng kapalaran, ngayong naging imposible ang asal ng lalaki, saka naman ito minahal ni Francesca.