Hindi mo kailangang maging kahit ano bago ka maging karapat-dapat para sa akin. Ngayon pa lang, sapat ka na.

Suplado. Iyon ang unang impresyon ni Lavina kay Wright. Pero mula nang mapatawa niya ang lalaki ay tila nagkainteres na ito sa kanya. Niligawan pa nga siya ni Wright.
Kabilang si Wright sa notorious na Lucero Boys sa village nila. Maraming naririnig si Lavina na hindi maganda tungkol sa binata at sa mga pinsan nito. Ngunit hindi niya pinapansin ang mga usap-usapan ng mga tao. Naniniwala siyang mabait talaga si Wright at totoo ang ipinapakita nito sa kanya.
At kahit napapansin niyang tila pangkaraniwan lang dito ang magpakita ng interes sa babae at sa loob ng maikling panahon ay mawawala rin ang interes nito, naniniwala siyang mahal siya ni Wright. Pero nagkamali siya. Dahil isang araw ay sinabi nito sa kanya na mag-break na sila. Hindi pala pag-ibig ang mararanasan niya kay Wright, kundi ang kanyang first heartache.