“Nakakainis ka dahil may gusto kang iba samantalang nandito naman ako!”

Astang taong bundok, clumsy, at galawgaw si Gael. Mula sa probinsiyang pinagmulan, napadpad siya sa Maynila para alagaan ang kapatid na maysakit. Nakilala niya ang cute pero may-pagkasupladong si Doc Phil. Kasabay niyon ang pakikigulo sa eksena ni Lola Merced, ang pabebe at spoiled brat na lola ng binatang doktor na wala na yatang ibang goal sa buhay kundi ihanap ng mapapangasawa ang apo.
Hiniling ni Lola Merced na magsilbi siyang assistant-cum-nurse nito. Hindi na nagdalawang-isip si Gael at agad na tinanggap ang trabaho. After all, crush na niya ang apo nito!
Pero si Lola Merced, mistress of gayuma pala!
Handa itong gawin ang lahat sukdulang mag-supply ng sandamakmak na love potion in juice powder kay Gael para daw mabihag niya ang puso ng mahal nitong apo.
Totoo naman kayang effective ang magic gayuma ni Lola Merced? Baka inuuto lang siya ng magaling na si Doc Phil at nagkukunwaring nagugustuhan na rin siya nito? Maniniwala ba si Gael sa lalaki? O sa huli, maiiwan lang na sugatan ang puso niya?