“Hindi iyong mga romantic moment natin ang nagpapasaya sa akin kundi ikaw mismo… I seriously think that I wouldn’t feel this way kung ibang lalaki ka lang diyan.”


Mula pa noong nasa high school sila ay pet peeve na ni Dence si Comet Celeste. Maepal kasi ito, papansin, at mayabang. Nuknukan pa ng pagka-playboy. What more, ninakawan siya nito noon ng halik! Kaya inis na inis siya nang maging boss niya ito ngayon sa trabaho.
Isang araw, nagulat si Dence nang may ialok si Comet sa kanya: gusto raw nitong matutong maging romantiko at gustong mag-practice sa kanya. Bumigay siya sa pangungulit nito dahil sa palagay niya, nagiging bato na siya at walang karoma-romansa sa katawan. Kailangan din niyang matutong kiligin.
Pero hindi lang kilig ang tumubo sa katawan ni Dence dahil sa mga romantic moment nila ni Comet. Akalain ba niyang matututuhan din pala niyang umibig? At kay Comet niya iyon naramdaman.
Hanggang sa malaman niya ang tunay na dahilan kung bakit desperado si Comet na matuto ng art of romance.
Pinag-pratice-san lang pala siya nito para magamit ang pagiging romantic sa ex-girlfriend na gusto nitong balikan…