Pagbabayarin ni Regina si Doel Andrew sa ginawa nitong panloloko sa kanyang kapatid. Ipararanas niya rito ang sakit na naranasan ni Devina sa lalaki. Ang mga iyon ang binuo niyang plano. Ngunit katulad ng kanyang kapatid, agad siyang nahulog sa angking kaguwapuhan at kakisigan ni Doel. Natuklasan niya ang di-mapigilang pangangailangan ng traidor niyang katawan sa lalaki. Kaya nang alukin siya nito ng kasal, wala siyang nagawa kundi ang sumang-ayon.
Ngunit hindi sila naging maligaya—dahil taglay pa rin ni Regina ang galit para kay Doel. Nakatatak sa isip niya na ito ang dahilan ng pagkasira ng buhay ng kanyang kapatid. Patuloy siyang inuusig ng kanyang budhi, kaya ipinasya niyang iwan ang lalaki.
Subalit natuklasan niyang inosente si Doel sa mga ibinibintang niya. Kasabay niyon ang tuluyang pagkawala ng pag-asang magkakabalikan pa sila. Dahil siya ngayon ang balak nitong paghigantihan…