Pagbabayarin ni Regina si Doel Andrew sa ginawa nitong panloloko sa kapatid niya. Ipararanas niya rito ang sakit na naranasan ni Devina sa lalaki. Ang mga iyon ang binuo niyang plano. Ngunit katulad ng kapatid niya, nahulog agad siya sa angkin nitong kaguwapuhan at kakisigan. Natuklasan niya ang hindi-mapigilang pangangailangan ng traidor niyang katawan kay Doel. Kaya nang alukin siya nito ng kasal, wala siyang nagawa kundi ang sumang-ayon.
Ngunit hindi sila naging maligayadahil taglay pa rin ni Regina ang galit kay Doel. Nakatatak sa isip niya na ito ang dahilan ng pagkasira ng kanyang kapatid. Patuloy siyang inuusig ng kanyang budhi, kaya ipinasya niyang iwan ito.
Subalit natuklasan niyang inosente si Doel sa mga ibinintang niya rito. Kasabay niyon ang tuluyang pagkawala ng pag-asang magkabalikan pa sila. Dahil siya ngayon ang balak nitong paghigantihan...