Palagi niyang nahihiling na sana ay may katugon na ang nararamdaman niya. Ngunit matiyaga siyang maghihintay sa tamang oras. Because Zanny was worth the wait.
Meet Phillip, or widely known as Papa Phi. Siya lang naman ang sikat na supermodel na pinagpapantasyahan ng mga babaeng kaanib ng PPA o Papa Phi Association. Ngunit sa kabila ng nakakatunaw na kaguwapuhan at nag-uumapaw na charm na taglay niya sapat para maglaway ang sandamakmak na mga tagahanga at artistang naghahabol sa kanya, mayroon siyang itinatagong sekreto: isa siyang dakilang martir sa pag-ibig.
Matagal na siyang may itinatagong pagsinta kay Zan, ang kulot pero cute na make-up artist niya at numero unong anti-fan niya. Puwedeng-puwede na niyang ipaalam ang damdamin niya rito dahil una, break na si Zan at ang longtime boyfriend nito. Pangalawa napapayag na niya itong makipag-peace sa kanya.
Ngunit madadale yata si Papa Phi sa pangatlo. Dahil kahit gawin pa niya ang lahat-lahat para kay Zan, ibang pangalan pa rin ang isinisigaw ng puso nito.