Nang malaman ni Lenka na binalikan ng kaibigang si Gallagher ang maldita nitong ex ay daig pa niya ang ibong tinirador ng malaking bato. Lingid kasi sa kaalaman ng kanyang kaibigan ay may lihim na siyang pagtingin dito noon pa man.
Desperate times call for desperate measures. Lenka badly wanted her friend to be her man. Kung gusto niyang mapasakanya si Gallagher, kailangan niyang gumawa ng paraan. Eh, di gumawa.
First move: pagselosin si Gallagher. But it failed. Ang binata pa mismo ang naghanap ng makaka-blind date niya. Second move: siraan ang girlfriend ni Gallagher para ma-turn off ang binata. But it failed again. Kay Lenka pa nagalit si Gallagher nang gumawa siya ng tsismis tungkol sa girlfriend nito. Third move: i-seduce si Gallagher. Aba, mukhang effective! Mukhang tinablan ang binata nang makita ang masagana niyang cleavage. Nagkaroon siya ng pag-asa.
Kung ang pagbabalandra ng cleavage ang paraan para mapasakanya si Gallagher, magpapaka-daring si Lenka. Dahil wala na siyang ibang mamahalin kung hindi lang din ang binata ang makakatuluyan.