Ngayon lang siya nakaramdam ng ganoong uri ng pagmamahal—buong-buo at umaapaw. Ano ang nagawa niya sa buhay para biyayaan ng ganoon?

“I-I’m a lesbian…”
Iyon ang pasabog ng girlfriend—ex-girlfriend na pala—ni Donny nang mag-propose siya. Dahil doon, nagka-phobia na siya sa commitment at matinding ugnayan sa isang babae.
Hanggang sa makilala niya ang bagong kapitbahay na si Gummy. Unang kita pa lang niya sa babae ay attracted na siya. Kahit na magaan kausap si Gummy at masarap kasama dahil parang ang dali-dali lang nitong tumawa, pinilit niyang layuan ito. Baka masira pa ang sinumpaan niya na hindi na iibig at magpapalokong muli.
Pero mas nangibabaw ang curiosity ni Donny at hindi na-resist ang malulungkot na mata ni Gummy. Kaya nang lapitan siya ng dalaga, ipinangako niya na tutulungan itong mag-move on.
“To totally dismiss your old love, you should find a new love… Malawak ang mundo, at maraming lalaki sa paligid na puwedeng mahalin,” suggestion niya at inireto si Gummy sa kanyang kaibigan.
Dapat maging masaya na si Donny para kay Gummy dahil mukhang nag-work ang pagrereto niya. Pero bakit ganoon, nainis siya nang makita na masayang-masaya ang dalawa habang nag-uusap? Doon niya na-realize na gusto niya si Gummy for himself at hindi ito ibibigay basta-basta sa kaibigan. Pero mukhang huli na siya nang makitang naghahalikan ang dalawa. Basted na ba siya? Agad-agad?