Hindi ikaw iyong tipo na iiwan, ikaw iyong tipo na binabalik-balikan. Ikaw iyong babaeng sineseryoso at iniiyakan kapag nawala. At sigurado akong libo-libong lalaki ang mag-aagawan para lang maging leading man mo.

Isang artistang nata-typecast bilang the other woman si Maria Gracia. At kung sa pelikula ay umaamot siya ng pagmamahal sa bidang lalaki, sa tunay na buhay ay halos mamalimos naman siya ng pansin at pagmamahal mula sa tunay niyang ama.
Dulot ng napakaraming problema, nagkasakit at naospital si Maria Gracia. Doon niya nakilala ang doctor na si Klyde. Nagboluntaryo ang doktor na sa bahay muna nito tumuloy nang malaman na nag-iisa na siya sa buhay. Gusto raw nitong alagaan siya.
Nagdududa man sa motibo ng guwapong doktor ay napilitan pa rin si Maria Gracia na magpaampon dito nang ilang araw. Mukha naman itong mabait at mapagkakatiwalaan. And Klyde turned out to be one.
Buong akala ni Maria Gracia ay sadyang matulungin lang ang doktor. Hanggang sa matuklasan niya na hindi pala ito isang simpleng Good Samaritan. May malaking atraso pala ang binata sa kanya noong isang gabing pareho silang may sama ng loob at lasing na lasing. At ngayong naaalala na niya ang lahat, napagtanto niyang ang kabutihan nito ay hindi totoo. Gusto lang bumawi at magbayad ni Klyde sa kasalanan na nagawa sa kanya