“Kung mahalkangisangtao, mamahalinkaniyanangbuo. Atnang may pagmamalasakit. Love comes with care and understanding.”

Magkaiba ang pananaw nina Migo de Gala at Isla Villegas sa pag-ibig. Para kay Migo, ang pag-ibig ang pinakapangit na damdamin sa mundo at isa kang talunan kung mararamdaman mo iyon. Samantalang para kay Isla, dakila ang pag-ibig at saya ang dulot niyon sa dalawang taong nagmamahalan.
Sa hindi inaasahang pangyayari ay pinagtagpo sila ng tadhana. At sa maikling panahon ng pagkakakilala ay nagawa ni Isla na baguhin ang pananaw ni Migo hanggang sa natuto itong umibig sa dalaga. Dahil nahulog na rin ang loob kay Migo, pumayag si Isla na magkaroon sila ng relasyon at magpakasal agad sa binata.
Ngunit hindi pala sapat ang pag-ibig upang maging matatag ang kanilang relasyon. Sa isang maling akala ay hiniwalayan at ipinagtabuyan ni Migo si Isla. Labis na nasaktan si Isla at pilit na ibinangon ang sarili mula sa sakit na dulot ng ginawa ng kanyang asawa. Makalipas ang ilang taon ay hinarap niyang muli si Migo at ipinaglaban na makuha ang isang mahalagang bagay na nag-uugnay sa kanila—ang kanilang anak. Ngunit gagawin naman ni Migo ang lahat upang hadlangan ang gustong mangyari ni Isla.
Paano lalabanan nina Migo at Isla ang isa’tisa kung sa muling pagkikita ay nararamdaman pa rin nila ang pagmamahal na nagbuklod sa kanilang mga puso noon?