“I can wait. I’m a very patient man. I can make you love me. I will make you fall in love with me.”

Nang ma-comatose ang ina sa ospital, naging certified raketera si Rosas at ginawa ang lahat kahit ang maging pekeng manghuhula para kumita ng malaking pera. Pero mukhang sumablay siya kay Livio—ang guwapo at mayamang lalaki pero certified brokenhearted customer na nabuking ang kanyang modus. Para hindi ipakulong, pumayag siya na tulungan itong mapalapit uli sa ex-girlfriend na nagkataong high school best friend niya.
Pumayag si Rosas kapalit ng malaking perang iniaalok ni Livio. Pero hindi niya maipaliwanag ang lihim na kilig na nararamdaman tuwing nagpapakita ng concern ang lalaki at kapag nakakasama niya ito sa mga trip nitong adventure. At unti-unti, dahil sa kakaibang nararamdaman, parang nag-iba na ang gustong mangyari ni Rosas. Sa halip na ilapit uli kasi si Livio sa best friend niya na ex-girlfriend nito, gusto niyang sa kanya na ma-in love ang lalaki.