“You still love me. The very same way I have always loved you, ever since…”

Walang pakialam si Oliver kung may ibang makarinig sa paraan ng pagtawag nito kay Jasmine. Term of endearment `yon ni Oliver sa kanya. Bukod sa pagbabago ng pronunciation sa pangalan niya, may isa pa itong dahilan.
“Jasmine, you are just mine. When the time comes that we are both ready to build a family of our own, your children will carry my name. Hindi lang ang manyikang `to.” Punong-puno ng pangarap at pangako ang mga salita ni Oliver.
High school days nila iyon. Nagkalayo sila. They were already both successful in their chosen careers when they met again.
Deep inside, natutuwa si Jasmine dahil ganoon pa rin ang tawag ni Oliver sa kanya at gusto niyang isiping hindi nagbago ang pagtingin nito sa kanya.
Akala lang pala niya iyon… Dahil nang muli silang magkita ni Oliver, nakatakda na itong ikasal kay Caroline na high school best friend niya!