Focused si Kori sa pag-aaral at determinadong maging doktor balang-araw makabawi man lang sa pagsisikap ng kanyang pamilya na mapag-aral siya. Pero isang gabing nagka-temporary insanity yata siya at nagpadala sa sulsol ng mga kaibigan, isinuko ni Kori ang sarili sa isang estranghero.
Mabuti na lang at natandaan ni Kori ang bahay ng lalaki dahil makalipas ang isang buwan, nalaman niyang buntis siya. Kaya pinuntahan niya ang lalaki—na nalaman niyang si Atty. Renato Casimiro V, na anak ng isang sikat na celebrity lawyer at nagkataong pinsan din pala ng hipag ni Kori.
Ang gusto lang naman ni Kori ay tulungan siya ni Fifth hanggang sa makapanganak siya. Pero nagulat siya nang mag-propose si Fifth ng kasal. Napa-‘oo’ rin siya sa bandang huli. Bigla-bigla, Mrs. Renato Casimiro V na siya.
May future ba ang kasal na nagmula lang sa isang one-night stand?