Sa kabila ng lahat ng mga kapintasan mo, perpekto ka pa rin sa mga mata ko.
Claire de Vera had an attitude exactly opposite her true name, Maria Clara. In short, hindi siya mahinhin, hindi siya mukhang manang, at lalong-lalong hindi siya tradisyonal. Hindi nga lang niya inaasahang darating ang araw na gagayahin niya ang mga kilos ni Maria Clara. Iyon ay upang mapansin siya ng crush niya na si Paul.
Subalit kumontra sa plano niya si Lars, ang ubod ng guwapo pero saksakan ng playboy na best friend niya. Ayon pa sa binata, huwag na siyang mag-aksaya ng oras kay Paul dahil hindi rin naman daw sila bagay ng lalaki.
Hindi maintindihan ni Claire kung bakit pagkatapos sabihin ni Lars iyon ay bigla na lamang siyang nawalan ng interes kay Paul. Kasabay niyon ay ang unti-unti nang pagkahulog ng loob niya kay Lars.
At kung kailan na-realize ni Claire na mahal na niya si Lars, noon naman niya nalaman na mayroon na palang ibang babaeng nagpapatibok ng puso ng kanyang best friend.