I remember that time when it was raining. You walked to my door and suddenly there was sunshine.
Ang sabi ng kaibigan ni Yoanna, infatuation lang daw ang kanyang nararamdaman para kay David Estevez. Pero kumbinsido si Yoanna na in love siya kay David. At isang araw ay walang habas na ipinahayag niya sa lalaki ang damdamin. Ngunit hindi naniwala si David sa kanya. Her young heart was devastated. Lalo pa nang magtungo si David sa Canada upang doon na mamirmihan.
Five years later, nagbalik si David sa lugar nila. Gusto sanang isipin ni Yoanna na wala na siyang pakialam sa lalaki pagkatapos siyang i-reject ni David. Pero nang mabalitaan ni Yoanna na magpapakasal na si David sa iba, tumutol ang buong pagkatao ni Yoanna.
Desidido siyang pigilan ang nalalapit na kasal. Eh, ano kung mas bata si Yoanna kay David nang walong taon? Eh, ano kung kamukha ni Catherine Zeta-Jones ang fiance nito? True love ang nararamdaman ni Yoanna para sa lalaki at isang bagay iyon na hindi puwedeng maliitin ng kahit sino.