“She has always been my loveliest memory…”

Maagang nalaman nina John Paul at Tawny na kahit nagmamahalan ang dalawang tao ay hindi pa rin garantiya na magiging happy ever after na ang lahat. Nalaman nila na love could not really conquer all. John Paul chose someone else and Tawny let him go.
Sa mahabang panahon ay nagkaroon sila ng mga sariling buhay. Natupad ang ilang mga personal na pangarap. Nagmahal ng iba. Nasaktan. Nadapa. Bumangon. Nalungkot. Nagpakatatag.
Nang muli magkita, nalaman nilang dalawa na hindi basta-basta nawawala ang pag-ibig na totoo. Kahit na pinaglayo ay puwede pa ring pagtagpuin uli ng tadhana. Kapag ang dalawang tao ay para sa isa’t isa, mahahanap nila ang daan pabalik. Muling mabubuhay ang pag-ibig para sa isa’t isa.
Binigyan sina John Paul at Tawny ng pagkakataon na magkasama muli. Bibigyan ba nila ng pagkakataon ang mga sarili na sumubok at maging masaya uli?