“Mawawalan na siguro ako ng buhay bago mawala ang nararamdaman ko sa `yo.”

Nakakawindang ang mga pangyayari sa buhay ni Joy. Parang kailan lang ay isa siyang simpleng probinsiyana, lumaki sa liblib na bayan, at pagtatanim ng mga gulay ang kabuhayan. Bigla ay nagi siyang isang heredera na pinamanahan ng napakalaking kayamanan ng kanyang ama na ni hindi niya nakilala.
Isang gabing hindi siya mapakali sa napakalaking bahay na ipinamana sa kanya ay may nasumpungan siyang isang lalaki roon—si Clay. Naalala ni Joy na naglipana sa siyudad ang masasamang-loob kaya agad siyang humagilap ng maipanghahataw rito. Pero bago niya magawang hatawin ang lalaki ay natumba na ito sa paanan niya. Lasing pala ito.
Napakaguwapo ni Clay nang mapagmasdan ni Joy. Pero wala siyang balak na maging biktima ng lalaki kaya iginapos niya ito.
Nang magising si Clay ay isang napaka-incredible na proposal ang inialok sa kanya. Tuturuan daw siya ng lalaki kung paano umasta na isang tunay na mayamang heredera.
Pero hindi lang pala iyon ang ituturo ni Clay kundi pati na kung paano ang magmahal. Nahulog ang loob niya rito.
Pero nalaman ni Joy na may iba pang pakay si Clay sa kanya.