“Ang halik mo ang anaesthesia ko. Mapapawi ang lahat ng kirot sa sistema ko basta halikan mo lang ako.”

Nagulat si Cordy nang makita niya ang isang lalaking nagtatago sa loob ng silid na tinutulugan niya. Nagpakilala ito bilang si Buster at ayon dito, balak daw itong patayin ng mga humahabol dito. Siguro ay dahil guwapo ito kaya hindi na siya nag-isip at basta na lang niya ito tinulungan.
Nagbunga ang kagandahang-loob niya dahil nang siya naman ang nalagay sa peligro, iniligtas din siya ni Buster. Kinupkop pa siya at ng tiyahin nito. Hindi lang iyon; naging nobyo pa niya si Buster.
Pero hindi nagtagal ay natuklasan ni Cordy na pinaglalaruan lang pala siya nito. Lumayo siya, hanggang sa ma-realize niya na mas nananaig ang pagmamahal niya rito. Pero pagbalik niya sa tirahan ng lalaki, wala na ito at walang nakakaalam kung babalik pa si Buster…