Kissing him again would be madness.
Breathing in more of his scent would be insane. So call her crazy. She kissed him once more…

“Curiosity killed the cat.” Iyon ang kasabihan na hindi pinakinggan ni Cherie, isang sikat na writer ng mga vampire fiction. Sa kagustuhang tuklasin ang hiwaga sa pagkatao ng misteryoso at rakistang kapitbahay, muntikan na siyang mapahamak sa kamay ng isang bampira—yes, a real-life bloodsucking creature!—nang sundan niya ang kapitbahay sa bar kung saan tumutugtog ang banda nito.
Pero bago pa tuluyang masaktan si Cherie ng dapat sana ay bibiktima sa kanya, biglang dumating ang suplado at antipatikong rakista at iniligtas siya. Natuklasan niyang hindi lang bampira kundi may dugong-anghel din pala ang lalaki.
Mula noon, nagbago na ang pagtingin ni Cherie sa rakistang kapitbahay na Asterysk pala ang pangalan. At sa paglipas ng mga araw, nalaman niyang may espesyal na damdamin din pala ito sa kanya.
Ayos na sana ang lahat… Kung hindi lang dumating ang isang matinding pagsubok na magdudulot sa kanila ng kamatayan…