Paano ako hihiwalay sa iyo kung yakap mo pa lang sa akin, malabo nang makakawala ako?"

Matagal nang crush ni Art Dominique ang boss niyang si Yuan. Kaya nang magkaroon siya ng pagkakataong mapansin nito, pumayag siyang magkaroon ng one-night kilig moment na kasama ito. Pero ganoon na lang ang pagkagulantang niya nang matuklasang hindi si Yuan ang hinayaan niyang humalik sa kanya nang bonggang-bonga kundi ang kakambal nitong si Jin!
She confronted Jin. Nagpaliwanag naman ito sa kanya. Halos lumabas ng rib cage ang puso niya nang aminin nitong may gusto raw ito sa kanya at nais nitong ligawan siya. Noong una ay ayaw niyang maniwala ngunit pinatunayan nito na seryoso ito sa kanya. Di-naglaon, ang simpleng pagpapantasya niya para sa kapatid nitong si Yuan ay napalitan ng pagmamahal para dito. Sa tulong ni Jin ay sinubukan niyang kalimutan ang nakaraang kabiguan niya sa pag-ibig.
Pero hindi niya inakalang ang nag-uumpisa pa lamang nilang fairy tale ni Jin ay magiging bangungot sa pagsulpot ng unang lalaking minahal niya. Naguluhan ang puso niya kung sino sa dalawa ang papanigan niya.