Hindi na tayo magkakalayo, Faith. Wala nang makapaghihiwalay sa atin. Itaga mo `yan sa bato.
Si Faith Madrigal ay anak ng pinakamayamang tao sa bayan ng San Mateo. Disisais anyos siya nang matuklasan at maranasan ang magmahal nang lubusan.
Si Jericho Venereal ang mapalad na lalaking napusuan ni Faith. Guwapo, matalino, maprinsipyo, lahat na yata ng magagandang katangian ay taglay ng lalaki.
Ngunit may malaking balakid sa pagmamahalan nila. Anak si Jericho ng mortal na kaaway ng pamilya ni Faith. Dahil doon ay sapilitan silang pinaghiwalay ng kanyang pamilya.
Subalit hindi sapat ang pagkakahiwalay na iyon para tuluyan niya itong kalimutan. Hinintay niya ang pagbabalik nito, gaya ng pangako nito.
Ngunit nadurog ang puso ni Faith nang malaman niyang hindi siya ang binalikan ni Jericho. At hindi niya inaasahang sa pagbabalik nito ay baon pa rin nito ang matinding pagkamuhi sa kanya at sa mga kaanak niya