I may be a hardheaded bastard and like to do things my own way, but Ive figured out how much I love you and that I cant live without you.
Lakas-Ioob na nilisan ni Gabrielle ang Davao upang takasan ang kasal na ipinipilit sa kanya ng kanyang tiyahin.
Pagdating sa Maynila, ni wala siyang plano sa isip. Hanggang sa may humintong Pajero sa harap niya.
Maam Gabrielle, tawag ng isang matanda na naipagkamali yata siya sa iba. Pasusubalian sana niya iyon nang makaramdam siya ng hilo, at natagpuan na lamang ang sarili na nasa isang villa.
Tatlong babae ang kaagad na sumalubong sa kanya.
Lola, siya ba ang mapapangasawa ng Tito Miguel? tanong ng batang babae sa katabi na siya ang tinutukoy.
Nagulat si Gabrielle sa natuklasan. Kasal nga ang tinakbuhan niya sa Davao, pagkatapos ay kasal din naman pala ang mapupuntahan niya.
At tumambad sa kanya ang isang lalaking papangarapin ng kahit sinong babae.
Mukhang tutuluyan na niya ang pagpapanggap. Ang problema, bakit parang galit sa kanya si Miguel? May lihim ba ang Gabrielle na kilala ng lalaki?