“I can see dead people.”
Iyon ang sinasabi ni Sasa sa mga taong gustong lumapit sa kanya para layuan siya ng mga ito. Ayaw kasi niyang magambala ang tahimik niyang buhay. Kaya hindi niya inaasahan ang biglang pagsulpot ni Cyrus Feliciano sa buhay niya, ang guwapo at sikat na varsity player ng basketball team sa kanilang university.
Mukha namang matatakutin ang lalaki kaya hindi alam ni Sasa kung bakit hindi tumatalab ang mga pananakot niya. Ni hindi man lang ito natitinag para layuan siya. Kulang na lang ay gamitan na niya ang lalaki ng kamay na bakal para ipagtulakan palayo.
Pero nayanig ang nananahimik niyang puso nang sabihin nito, “`Buti pa ang mga multo nararamdaman mo, samantalang ako na nagpaparamdam sa `yo, hindi mo nararamdaman.”
Ano ang ibig sabihin ni Cyrus? At bakit ganoon na lang makapag-react ang kanyang puso? Hindi kaya nagpaparamdam na si Cyrus sa kanya, ayaw lang niyang pakiramdaman? Nakakakilabot! Dahil ang totoo, mas natatakot pa si Sasa sa love kaysa sa multo.