“Totoong-totoo ang pagmamahal ko. Iyong-iyo ito habang-buhay. Sa iyo ako.”

Handa si Lisette na gawin ang lahat para magiba ang pader sa pagitan nila ni Will, ang kaibigan niya na eventually ay na-in love sa kanya. Ibig niyang makabawi sa kasalanan niya sa binata at maibalik ang friendship nila.
Bawat pagsusungit ni Will ay tinatapatan ni Lisette ng pangungulit hanggang makumbinsi na ang binata na makipagkaibigan “muli” sa kanya. At mula sa pagkakaibigan, madaling nahulog ang loob niya rito.
Pero kung kailan sumasaya na ang buhay ni Lisette ay biglang nagbalik ang kanyang mga alaala. Niyanig siya ng katotohanang “iba” ang kanyang pagkatao. Hindi siya si Lisette. Hindi siya ang tunay na kababata ni Will; hindi siya ang babaeng minsan nang inibig ng binata.
Binalot ng takot ang katauhan niya. Paano niya ile-let go ang buhay na puno ng ligaya at pagmamahal bilang si Lisette at bumalik sa miserableng buhay na wala si Will?