“When I say I like you, I really do like you… kaya don’t ever question it. Ako lang ang nakakaramdam n’on.”

Wala na yatang pag-asa pang mahalin at magmahal ang mga plus-sized women na tulad ni Celestine. Kung hindi kasi siya hinuhuthutan, ipinagpapalit lang sa iba. Kung hindi ipinagpapalit, basta na lang iiwan kapag wala nang laman ang bulsa niya. Hindi na nga yata siya sasaya pa sa buhay. Mapilit lang talaga itong best friend niya na makipag-blind date siya at huwag nang magmukmok sa bahay.
Malay ba naman niya na sa blind date na iyon ay makikilala niya si Rave, isang inhinyerong mabulaklak ang dila. At wala itong ginawa kundi ipamukha sa kanya na isa siyang dakilang dambuhala. Parang antihero ang dating, `no? Iyon din ang akala ni Celestine noong una. But Rave was full of surprises, he only did that to make her realize that there’s nothing wrong with being fat.
Ang itinayo niyang pagkataas-taas na pader sa paligid niya ay bigla tuloy gumuho. Pero dahil nga Rave was full of surprises, hindi lang pala iyon ang mapapaguho nito kundi pati na rin ang buo niyang pagkatao. Kung bakit ba kasi nawala sa isip niya na engineer ito. Engineers can build and destruct at the same time.