"All I want is to be happy, at para sa akin ay ikaw lang ang sagot sa kasiyahang hinahanap ko sa mundong ito." Dahil sa isang frame-up ay napilitan munang mag lie low si Rosenda sa Fonde de Pouvoir sa utos na rin ng leader nilang si Cruize. Ayon dito ay magpakalayo-layo raw muna siya dahil kapag napatunayan nitong totoong nagtraidor siya sa ahensiya ay si Cruize pa mismo ang magpapataw sa kanya ng hatol na kamatayan. Wala mang kasalanan si Rosenda ay napilitan siyang umalis. Noon niya nasumpungan ang kahon na ibinigay sa kanya ng yumaong ina. Dinala siya ng kahong iyon sa bansang wala sa hinagap na pupuntahan niya—ang Pilipinas. May kailangang hanapin doon si Rosenda; may kailangan siyang patunayan. But in the process of searching for that missing link in her life, hindi niya akalaing may isa pa siyang mahahanap; at para sa kanya ang taong iyon ay mas mamahalin at mas mahalaga pa kaysa sa anumang bagay na nahawakan na niya bilang isang treasure hunter—si Arkin Romualdez. Pero huli na para mag-back out pa siya. Agad niyang minahal ang lalaking nagtatago lang pala sa pangalang ibinigay nito sa kanya...