The first time I saw you, I was mesmerized. I knew I had already found my destiny.

Nakitira si Khalen sa bahay ng pinsang si Jesi upang makaiwas sa pagrereto ng ama sa mga anak na binata ng business associates nito. Nag-aalala kasi ang kanyang papa na baka sumunod ang dalaga sa yapak ni Tiya Esmeralda na hindi na nakapag-asawa dahil sapag-aalaga sa kanya.
Nang malaman ni Jesi ang sitwasyon ni Khalen ay gusto rin siyang ireto ng pinsan sa mga guwapong taga-village upang may maiuwi na raw sa ama na puwedeng maging Mr. Khalen Arevalo. Bukambibig ni Jesi ang lalaking kapitbahay na ayon sa description ng pinsan ay isang tall, dark, and gorgeously sexy. Bukod doon ay may-ari pa raw ang lalaki ng isang flower farm.
Iisang lalaki lang ang naisip ni Khalen na tumutugma sa deskripsiyong iyonsi Irvine Sto. Domingo, the man who broke her heart eight years ago.The sole reason why she couldn't love any other guy.
Sa dinami-rami ba naman ng lugar at sa lawak ng Pilipinas, bakit sa village na iyon pa kailangang pagtagpuin muli sina Khalen at Irvine at maging magkapitbahay? Sa kabila ng nagawang kasalanan sa dalaga noon ay pilit pa ring nakikipaglapit ang lalaki kay Khalen. Iginigiit pa ni Irvine na may pagtingin pa rin siya sa binata kahit na halos ipagtabuyan na niya ito tuwing magkikita sila. Ang mas masaklap pa, ang lintik na pusoni Khalen ay tila ayaw makinig sa dikta ng kanyang isip. Dahil kahit ilang I hate you! na ang sabihin kay Irvine, ibinubulong pa rin ng kanyang puso na mahal pa rin niya ang binata.