“Bawal ka magselos, nai-stress ako.”

Kung malateleserye ang buhay mo, simple lang ang papangarapin mo: Ang magkaroon ng simple at hindi komplikadong buhay.
Akala ni Rachel, nakamit na niya iyon sa probinsiya.
Pero nakilala niya si Principe, Ben C.
Walang ordinaryo sa lalaking mapungay ang mga mata at mahilig sa sexy. Una pa lang, tinangka na agad nitong i-take home si Rachel. Kaya naman, determinado siyang iwasan ang lalaki, at all cost.
Pero dahil teleserye ang buhay niya, nasabit siya kay Apo, ang duwendeng alaga ng nanay ni Ben. Kinatuwaan daw siya ni Apo, despuwes, siya ang dapat pakasalan ni Ben. Pareho naman sila ni Ben na against sa gusto ni Apo, nagkasundo sila na hindi magmamahalan, whatever it takes.
Kahit inobliga sila ng nanay ni Ben na mag-HHWWPSSP araw-araw sa tabing-dagat.
(Holding Hands While Walking, Pa-Sway-Sway Pa)