Be young. Feel now. Think later. " Umusbong ang isang righteous vigilante group na tinatawag na Dart Pins sa loob ng Green Knoll Academy. Itinuturing kami ng mga estudyante na bayani. Tagapagligtas nila kami mula sa mga villainous being na nasa loob ng paaralan. At ako, si Diamond, ang inyong humble narrator, ay member ng Dart Pins kasama ng mga kaibigan kong sina Rhian, Arietta, at Patricia. Pero paano nga ba umusbong ang grupo namin? Nagsimula ang lahat sa malaking problema ni Rhian Strauss... Self-confessed sapiosexual si Rhian. Sapiosexual? tanong ni Yael. Bagong letra ba `yon sa LGBT community? Napa-face palm ako. Nope! Sapiosexual means attraction to intelligence. Sa madaling salita, walang pag-asa si Yael dahil hindi niya alam ang Quantum Physics at current events sa Israel at Syria. Walang epekto ang yummy abs ni Yael sa tulad ni Rhian. Pero pursigido si Yael. Kaya babasahin niya ang volumes ng encyclopedia from A-Z masungkit lang ang matamis na oo ni Rhian.