“What is a friend? A single soul dwelling in two bodies.” —Aristotle

“Kinikilabutan ako sa pinaggagagawa natin… Dinner with candlelight. What will happen next?”

Biglang nagkaroon ng malaking problema ang kapatid ni Janna. No choice siya kundi akuin muna ang pag-aalaga sa kanyang seven years old na pamangkin. Pero hindi inaasahan ni Janna na malikot ito, iyakin, at to-the-max ang katigasan ng ulo.
First day pa lang ng pamangkin bilang grade one pupil ay pinahirapan na siya. At nakadagdag pa sa inis ni Janna ang isang lalaking pakialamero—si Peter Tenorio. Pero nakagawa ito ng malaking milagro dahil napasunod nitong pumasok sa school ang kanyang pamangkin.
Bumilib si Janna kay Peter dahil sa pangyayaring iyon pero hindi niya ipinahalata. Mahirap nang pagdudahan pa siya ng lalaki na attracted dito. Kahit iyon ang totoo, kailangan niyang bale-walain ang presensiya nito.
Simple lang ang rason. Hindi niya type ang status ni Peter sa buhay: binatang-ama.
Pero mukhang siya mismo ang sisira sa standard na hinahanap niya.