“What is a friend? A single soul dwelling in two bodies.” —Aristotle

“You can feel the magic… Iba ang pakiramdam `pag in love ka, ang sarap-sarap. Para kang nasa heaven kapag kasama mo siya.”

Sa isang fund-raising auction ball, lumabas sa stage si Marc—wearing only a pair of maong pants and a seductive look.
Natulala si Brew. Ito ba ang binatang mula’t sapul ay halos hindi niya napapansin dahil best friend niya?
Hindi niya akalaing macho pala si Marc, may pinong balahibo sa dibdib hanggang sa flat nitong tiyan. Siksik sa muscles ang mga braso nito, at kahit moreno ay makinis naman ang balat.
Hindi siguro napapansin ni Brew si Marc noon dahil may boyfriend na siya, ang laging missing in action na si Ado.
Nang mabalitaan niyang pinagtataksilan siya ni Ado ay “inimbitahan” niya si Marc na halikan siya para pasakitan ang boyfriend.
Inaasahan ni Brew na maghihiwalay sila ni Ado. Ang hindi niya inaasahan, totoo at with feelings pala ang halik na ibinigay sa kanya ni Marc…