“Ang mga katulad mong magandang prinsesa ay hindi dapat umiiyak. You deserve to be happy. At sisiguruhin ko na lagi kang ngingiti kapag kasama mo ako.”

“Babalikan kita, Noreen… Babalikan kita.”
Pinanghawakan ni Noreen ang mga salitang iyon mula kay Marvis. Umasa siya na darating ang araw na tutuparin nito ang ipinangako sa kanya. Pero naghintay lang siya sa wala.
At sa panahon ng matitinding pagsubok sa buhay ni Noreen, may isang taong umalalay sa kanya: si Olen. Hindi siya iniwan ng lalaki at tinanggap ang lahat-lahat sa kanya.
Nakatakda na ang kasal nila ni Olen nang muling nagpakita si Marvis. At sa kabila ng lahat, hindi pa rin niya mapigilan ang sarili na muling mahulog sa dating nobyo. Dahil alam niya na si Marvis lang ang lalaking minamahal niya mula noon hanggang ngayon.
Pero paano si Olen? Handa ba siyang saktan ang lalaking tumanggap sa kanya at piliin ang lalaking tunay na nilalaman ng kanyang puso?