“Kaya kong ipagpalit ang mundong nakasanayan ko, mahalin mo lang ako.”

Hindi maganda ang impresyong tumatak kay Cindy sa unang pagkikita nila ni Dave Deloro. Nahuli niya ito sa loob ng silid-aklatan ng bahay-ampunan kasama ang isang babae na may ginagawang “kalokohan.” Wala siyang interes na makilala si Dave nang lubusan pero mukhang may ibang plano ito.
Pagkatapos ng isang buwan ay nagbalik ito sa bahay-ampunan. Obvious na gusto siya nitong ligawan. Unti-unti ay nakilala niya ang totoong pagkatao ni Dave. At unti-unti ring nahuhulog ang loob ni Cindy sa lalaki. Pero kasabay niyon ang malaking problemang kinakaharap ng mga madre—ang pagdating ni Don Simeon na nagpapalayas sa kanila sa bahay-ampunan, at ang tila pagkakagusto ng matandang don sa kanya.
Ngunit hindi papayag si Dave na mapahamak si Cindy. Dahil sa pag-ibig ay ipinagpalit nito ang inheritance nito at ibinigay kay Don Simeon ang fifty million. Literally, binili ni Dave ang bahay-ampunan para sa kanya.
Makasasapat ba ang pag-ibig niya kapalit niyon?