“Kahit saang simbahan, pakakasalan kita.”

Inatasan si Alexanne ng ate niya na maging tagapag-alaga ng pamangkin niya habang wala ito sa bansa at ang asawa nito. Pumayag siya dahil sa tingin niya ay kailangan din niya ng bakasyon. Ang hindi niya inasahan ay may makakasama pala siya sa bahay ng ate niya, si Dylan—ang kaibigan ng bayaw niya.
Wala sanang kaso sa kanya kung hindi lang ito ubod ng suplado. Ngunit ang sabi ng ate niya ay may dahilan daw kung bakit ganoon ito. It seemed like Dylan was on vacation to mend a broken heart. That made her curious.
Habang lumilipas ang mga araw ay napapalitan ng mas malalim na damdamin ang curiousity niya rito. Hindi lang iyon dahil sa taglay nitong napakagandang boses tuwing naririnig niya itong kumakanta, magandang pangangatawan, at napakagandang mga mata tuwing nakikita niya itong hindi suot ang salamin nito.
May mas malalalim pang dahilan kaya nahulog ang loob niya rito. Ngunit may malalim ding dahilan kung bakit hindi niya ito puwedeng mahalin…