"Walang kang naging boyfriend? That's good. Alam mo bang maisip ko pa lang na may ibang nakikipag-date sa'yo, umiinit na ang ulo ko?"

Hindi na kataka-taka para kay Hannah na may mga babaeng nahuhumaling kay Brent. Pero ang hindi niya maintindihan noon pa man ay kung ano ang nagugustuhan ng mga babae rito samantalang nuknukan ito ng suplado. At bakit sa dinami-rami ng babae sa eskuwelahan nila noon ay siya pa ang pinalad na makaaway nito?
Kunsabagay, matagal naman na siyang asar dito at ganoon din naman ito sa kanya. Ngunit mas lumala pa ang mutual dislike nila nang mangyari ang isang insidente kaya hindi nangyari ang pangarap niya na ang unang halik niya ay ibibigay lamang niya sa lalaking mahal niya. At isang tao lang ang sinisisi niya sa nangyarisi Brent.
Ayos na sana ang lahat dahil nakalimutan na niya ang masaklap na pangyayaring iyon sa buhay niya. Pero pagkalipas ng sampung taon ay nagkita uli sila ni Brent. At ang mas ikinagulat niya ay napapansin na niya ang kaguwapuhan nito na dati naman ay walang epekto sa kanya.