“You are that celestial maiden on the swamp, Madison. Lumilipad ka ngayon palayo. Tinutupad mo ang mga pangarap mo. Magkaiba ang mundo natin.

Isang astiging reporter si Madison na mataas ang pangarap. Nang lumabas ang balita tungkol sa nag-viral na picture ni Carrot Man, nag-unahan ang iba’t ibang media outlet na mahanap ito at makakuha ng exclusive interview. Kung mai-interview ni Madison si Carrot Man, siguradong sisikat siya. Higit pa roon, may lihim siyang pagsinta sa lalaki nang minsan siya nitong iligtas sa gusot na kanyang kinasangkutan. He was her hero.
At isa lang ang makakatulong sa kanya na mahanap si Jeyrick aka Carrot Man—si Lerome, ang tourism head at matalik na kaibigan nito. Si Lerome lang ang nakakaalam ng pasikot-sikot sa Barlig at makapagtuturo kay Madison kung saan naroon si Jeyrick. Pero kalaban ang tingin sa kanya ni Lerome. At pipigilan siya nito na mahanap si Carrot Man kesehodang bihagin nito ang kanyang puso.