Mahal kita, gusto kitang ligawan, gusto kong maging tayo. Gusto kong makasama ka hanggang sa dulo ng walang hanggan dahil ikaw `yan, ako ito at puwede tayo.

Matagal nang kaibigan ng kakambal ni Sage ang binatang si Noah. Pero kung malapit si Noah sa kakambal ni Sage, kabaliktaran naman sila ng binata. Dahil ang tingin niya kay Noah ay isang tao na ginagamit ang charm at gandang-lalaki para makuha ang gusto. At para sa kanya ay masamang impluwensiya ang binata sa kakambal niya.
Isang araw ay nabigyan si Sage ng pagkakataon na makasama si Noah at maalagaan ang binata habang nagpapagaling mula sa tinamong sugat sanhi ng tama ng ligaw na bala. At natuklasan ni Sage ang magagandang katangian ni Noah na taliwas sa pinaniniwalaan niya noon tungkol dito. Isa palang dakilang tao si Noah. Kaya dahil doon, nahulog ang loob niya sa binata.
Ang problema ay parang hindi sila bagay. Parang mas bagay si Noah kay Fiel na isa ring dakila. Simpleng tao lang kasi si Sage. Kailangan ba ay mag-iba siya ng pagkatao para lang bumagay siya kay Noah?