Hindi ako isang prinsipe. Simpleng tao lang ako. I am not a fantasy because I am real Ako lang si Race, ang lalaking magmamahal sa iyo habang buhay.
Hindi si Race ang tipong lalaki ni Shatrina. Ayaw niyang magaya sa mga babaeng nauugnay rito na pinag-aawayan ito. Isa pa, boss niya ito sa advertising company na pinapasukan. Tiyak na hindi isang tulad niyang simpleng empleyado lang ang magugustuhan nito.
Kaya nagtaka siya nang bigla itong nakipaglapit sa kanya. Nagduda pa siya nang sabihin nitong nais nitong makipagkaibigan sa kanya. Gusto sana niyang tumanggi, kaso makulit ito.
Pero marami pa siyang reservations sa pakikitungo rito. Guwapo man ito at punong-puno ng humor, mahihirapan siyang magtiwala sa isang tulad nito.
Ngunit nang mabatid niyang tila liligawan nito ang isa sa mga pinsan niyang nakapisan sa bahay niya ay biglang nag-init ang ulo niya