"Isang oras akong naligo. Another hour sa pagpili ng damit ng iniisip kong magugustuhan mo. I wore perfume gayong cologne lang ay okay na ako. Hindi ko gagawin ang lahat ng iyon para sa taong hindi ko mahal..."
Hindi malaman ni Daffodil kung anong mukha ang ihaharap niya kay Ramses pagkatapos siyang malasing. Alam kasi niyang madaldal siya at may mga bagay siyang nasasabi kapag naparami siya ng inom.
"Ramses...?" tawag-pansin niya rito habang abala ito sa pagbabasa ng magazine. "May nasabi ba akong nakakahiya kagabi o di kaya naman ay kakaiba?"
"Nakakahiya?" anito. "Wala naman."
Napanatag siya nang marinig niya iyon, ngunit may karugtong pa pala iyon.
"Kakaiba? Medyo," anito. "I didn't know you had a huge crush on me when you were eight."
Literal na napaawang ang bibig niya. Gusto niyang magtakip ng mukha sa kahihiyan.
"Oh... and thank you for telling me that you're the right woman for me," nakangiting sabi nito.
Did she really tell him that? Ano na'ng gagawin niya gayong buking na siya nito?