“Okay lang naman sa `kin kahit hindi guwapo o hindi sobrang talino, kahit nga hindi marunong pumorma o hindi marunong sa kusina. Pero alam mo, ang suwerte ko. Kasi sobra-sobra ka pa sa hinihiling ko.”

Kung mayroon mang huling taong magugustuhan si Juanne, si Chef Roland na yata iyon. Si Chef Roland ang pastry chef ng Cupid’s Haven Makati kung saan siya ang branch manager. Hindi niya kasundo ang binata dahil masyado itong mapang-asar. Wika nga ng iba ay siya ang “trip” nito.
Ngunit wala namang imposible sa mundo. All of a sudden, nakaramdam siya ng kakaiba rito; biglang naging mabait ito sa kanya. From kontrabida, naging leading man ang tingin niya rito.
Ngunit paano na ang “pagsintang-ewan” niya rito kung may nobyo na siya? At paano rin kung nag-iilusyon lang pala siya na may gusto ito sa kanya kung hindi pa nakaka-move on ito sa nobya nitong sumakabilang-buhay?