“Sa tingin mo ba, magpapasan ako ng babaeng mas mabigat pa sa isang sakong bigas dahil lang gusto ko siya? Sa tingin mo ba, hahayaan ko ang sarili ko na maglakad sa madilim at creepy na lugar para makasama ang babaeng gusto ko lang?
I did all of that because I love you!”

Para kay Emmi, in denial si Thirteen—ang lalaking sobrang tagal na niyang sinisinta—sa pagsasabi na hindi siya type. May mga ebidensiya kaya siya.
Exhibit A: Inako ni Thirteen ang pagpapaligo sa guwapong bangkay na trabaho naman niya para daw hindi niya i-harass ang patay—kahit mukhang natatakot ito. Duh. Nagseselos ito! Sa guwapong patay!
Exhibit B: Ang pagsali ni Thirteen sa siopao eating contest para suportahan siya—kahit “napipilitan” lang ito. Napipilitan your face!
Exhibit C: Nakikita niya iyon sa mga tingin ni Thirteen. Ah, basta, sure siya! Hindi siya nag-i-imagine lang.
Asang-asa na si Emmi. Siguradong-sigurado siya na liligawan din siya kalaunan ni Thirteen.
But then, Thirteen got himself a girlfriend. Ang labo nito!