Mula noon hanggang ngayon, palagi nang nagsisilbing anghel sa buhay niya si Amor. At Hindi niya inakalang sa mga taong lumipas ay makakagawa pa rin ilo ng bagay na maglalayo sa kanya sa kapahamakan.

Nakipagkita si Amor kay Joel para mag-patulong dito sa binabalak niyang class reunion para sa batch nila noong high school. Pero may hihingin din pala itong pabor sa kanya. Nais nitong tulungan niya itong itaboy ang babaeng habol nang habol dito. Well, she could do that. Basta ba tutulungan siya nitong ayusin ang reunion nila.

Ngunit sa halip na ang reunion ang asikasuhin nila, nauwi iyon sa masalimuot at komplikadong sitwasyon. Sa pagtataboy nila sa babaeng ayaw itong tantanan ay nahuli sila sa isang napaka-intimate na sitwasyon ng pamilya nila. At buong bayan na yata ang nakaalam niyon!

Tiyak na kapag kinompronta sila ng kanya-kanyang pamilya ay imumungkahi ng mga ito na magpakasal sila.

Ano ang gagawin nila? Magagawa ba niyang tumanggi na magpakasal kay Joel? After all, she had been loving him all her life.