“Kahit ilang milyong tao pa ang maging kamukha mo, my heart will always recognize you.”

Bilang isang mapagmahal na kapatid, gagawin ni Kisses ang lahat para sa kakambal niyang si Hershey. Kaya nang humingi ito ng pabor sa kanya ay hindi niya ito tinanggihan.
Nalagay sa alanganing sitwasyon si Kisses nang pumayag siyang magpanggap na si Hershey sa harap ng boyfriend nito. Wala siyang kaide-ideya na ang tinutukoy nitong boyfriend ay ang lalaking labis niyang kinaiinisan na si Jeremiah Sandoval. Hindi na siya makaatras sa kasunduan kaya napilitan siyang pakisamahan na lang si Jeremiah kahit labag sa loob niya at kahit nanggigigil na siya sa galit dito dahil pinaglalaruan lang nito ang kapatid niya. Subalit sa paglipas ng mga araw na kasama niya ito at nakikilala niya ito nang lubusan ay unti-unting nagbago ang pagtingin niya rito. Hanggang sa ma-realize niyang hindi na siya nagpapanggap lang. Totoong mahal na niya ito. Sa pagkakataong iyon ay kailangan na niyang mamili: ang kasunduan nila ng kapatid niya o ang tibok ng puso niya?